በሀላባ ቁሊቶ ከተማ አስተዳደር ሰው ተኮር ተግባራትን ማዕከል ያደረገው የክረምት በጎ አገልግሎት ተጠናክሮ ቀጥሏል።
በሀላባ ቁሊቶ ከተማ አስተዳደር ሰው ተኮር ተግባራትን ማዕከል ያደረገው የክረምት በጎ አገልግሎት ተጠናክሮ ቀጥሏል። የብልጽግና ፓርቲ ዋነኛ የትኩረት አቅጣጫ የሆነውን ሰዉ ተኮር ተግባር "በጎነት ለኢትዮጵያ ከፍታ" በሚል መሪ ቃል የሚካሄደውን የክረምት የበጎ አድራጎት መርሃ-ግብር መሰረት በማድረግ፣ በዛላ ቀበሌ ለሚገኙ አቅመ-ደካሞች የአልባሳት ድጋፍ ተደርጓል። በዚህ በጎ ተግባር ላይ የሀላባ ቁሊቶ ከተማ አስተዳደር ብልጽግና ፓርቲ ቅ/ጽ/ ቤት ሀላፊ አቶ አ/መጅድ ፊጣሞ በቦታው ተገኝተው ድጋፉን ያስረከቡ ሲሆን፣ ወገንን መደገፍና አብሮነትን ማጠናከር የሁልጊዜም እሴታችን እንደሆነ ገልጸዋል። "በጎነት የሰው ልጅ በጎ ሕሊና መግለጫና አብሮነታችንን የምናጠናክርበት ታላቅ እሴታች በመሆኑ በክረምት ወቅት ወገኖቻችንን በመደገፍና አብሮነታችንን በማሳየት የጀመርነውን በጎ ተግባር አጠናክረን እንቀጥላለን"ብሏል በዚሁ የድጋፍ ማስረከብ ፕሮግራም ላይ የተገኙት የሀላባ ዞን ወጣቶችና ስፖርት መምሪያ ሀላፊ አቶ ታገል ጌታቸዉ እንዳሉት፤ በጎ ፈቃደኝነት የርስ በእርስ ትስስራችንን የሚያጠናክርና የአቅመ ደካሞችን እፎይታ የሚያረጋግጥ ታላቅ ተግባር እንደሆነ ጠቅሷል። አክለውም ወጣቶች በክረምቱ ወቅት በሚያካሂዷቸው በጎ ተግባራት አካባቢያቸውንና ሀገራቸውን በግንባር ቀደምትነት ሊደግፉ እንደሚገባ መልዕክት አስተላልፈዋል በመርሃ ግብሩ ላይ የሀላባ ቁሊቶ ከተማ አስተዳደር ብልጽግና ፓርቲ ቅ/ጽ/ ቤት ሀላፊ አቶ አ/መጅድ ፊጣሞ፣የሀላባ ዞን ወጣቶችና ስፖርት መምሪያ ሀላፊ አቶ ታገል ጌታቸው፣የሀላባ ቁሊቶ ከተማ አስተዳደር ብልጽግና ፓርቲ ቅ/ጽ/ቤት ም/ሀላፊና የፖለቲካና አቅም ግንባታ ዘርፍ ሀላፊ አቶ ሁሴን አብደላ እንድሁም የከተማና የቀበሌ አመራሮች ተገኝተዋል።
እስካሁን አስተያየት የለም። መጀመሪያ ይሁኑ!